TELUGU
అంతులేని ప్రేమను చూపావు దేవా
ఏనాటికి తరగని భాగ్యమిచ్చావయ్యా (2)
నన్ను నిత్యము నడిపే – సారధి నీవు
అణువణువు యేసు నీ కొలువే (2)
నీ ప్రేమలో లేదు లోపం – నీ ప్రేమకు లేదు అంతం (2)
1. నా వారే నన్ను – నిందించినా
లోకమంత నన్ను వ్యతిరేకించినా (2)
నేనున్నానని నా వెంట ఉండి
నా బ్రతుకును ఏదేనుగా మార్చినావు (2)
2. నా యెడ నీకున్న – తలంపులెరుగక
హృదయములో – కలత చెందితిని (2)
నా భారమంత – నీ భుజములపై మోసి
ఉన్నత స్థానములో నిలిపితివి (2)
3. యోగ్యత లేని – నన్ను చూచి
నీ నిత్య మహిమకు పిలిచివి (2)
నాలో ఊపిరి ఉన్నత కాలము
ప్రతి చోట నీ ప్రేమ చాటెదను (2)